2018.3.4_鹿兒島明治維新150周年馬拉松
昨日下大雨，氣温得9度，今日艷陽高照，全程42K無陰頂，由頭曬到尾，頭頂出煙一身鹽，體感溫度肯定唔只天文台講的22度。
我原本打算吃止痛藥，因爲去到咁遠參賽，跑唔完上岸一定不是我的選擇，與其痛住來跑，不如讓自己完賽得舒服點。但功虧一簣，今朝就是忘了吃藥就出門，那只好聽天由命了。
8點半開跑，計劃是首20K跟丈夫的速度，約5分到5分15披醒。
頭10K路段較平，之後32K基本上都是緩坡，不停上上落落，加上又熱又曬，好蝦人跑。我跟丈夫跟到15K左右，右腳傷患臗關節開始痛，決定唔跟，用自己舒服的披醒遷就一下痛腳，然後一直用較為保守的速度推進，路還有好長呢。
去年9月松本馬我在36K兩隻腳同時大抽筋，有陰影，今日接近36K時我很小心感覺著自己的狀況：無事😀，唔攰，有力，太好了。
跑到40K就完全放心了，還可以加點速。但原來最後1K還要上斜，呀～～～真要命。
無驚無險衝線，3小時48分23秒。女子全場58，組別第五。無獎。每組只敍奬3名，但自己是組別中最老的，時間也滿意，因此心情勁靚。
跑完腳痛唔痛？只是傷患痛，肌肉完全不痛不覺疲累，練得足果然不同😄