闊別七年,再次夢想京城跑馬,今年幸運抽中簽,先有機會跑馬狂京城。
賽前全無目標,後來睇到美女阿娟做今年330兔子,心諗到時可以跟一跟她,跑得幾多得幾多。
20日同亮哥,佐治明兄及他大佬,四人一早去到會場,經安檢後到天安門廣場比賽場地。

7點半明槍起跑,人很多一湧向前,路線經過天安門向西城區跑去,想搵阿娟但所有兔子都不見,跑到好前,
一路向前,加些少速度,終於追了8k先追到阿娟這班330兔子,見時間尚早,也不減速,一直保持跑在兔子前面。
前半程天陰陰,太陽還未出來,按自已配速跑得很舒服,半馬用時1:43,配速唔跌還可以。

25k,食了一包gel,補一補清水,30k太陽出緊來,見到有人開好行路,35k食第二包gel,配速稍跌,37k天熱溫度再上升,賽道行人又多了,腳步又放慢,呢個時候後面330大軍沖緊上來,自已心諗還有5k,不能慢落來,一定要跟上。
最後5k幸好有330美女兔子阿娟的帶領,一路跟到終點,終於完成北馬330夢想,超開心！

大會時間3:29'43''
個人時間3:28'23''