跑步可以好簡單，興之所至就可以去跑了，正如今晚咁嘅天氣，見到有位男仕著人字拖都照跑(3個圈水塘)。

亦都可以好專業，成身裝備set好哂先跑。

說到底，應該取決於每名跑者嘅心態。

有人志在走幾K舒展筋骨
有人想健康d想減肥
有人喜歡挑戰自我，創造成績⋯

無論咩原因，按照自己的跑道進發就可以了。

但個人認為，若果要成為一名馬拉松跑者，最需要的不只是速度，不只是耐力，是決心！

正如有人問我，你落雨都跑？
唔怕濕身？
唔驚病？
聽講落雨跑步對心臟唔好⋯

早前自己曾經講過，如果定咗日期跑步，我會盡最大努力完成。

如果跑緊時落大雨都會繼續。
當然，狂風暴雨就避一避，拉拉筋，細雨d再跑，但行雷閃電一定會走人。

因為，當你參加馬拉松比賽時，除非天氣惡劣到大會要終止，否則一樣如期舉行。

而且我們亦沒法可以百分百預計到當日嘅天氣。

負度氣溫跑唔跑？
落雪跑唔跑？
30度高溫跑唔跑？
滂沱大雨跑唔跑？


大會一切如常進行，你認為承受不了，可以退賽，但賽事唔會因此而取消。

除非是一部份假日跑者，我相信在沒有傷痛情況之下，大部分跑者都會選擇完成賽事。

呢份意志，呢種決心，就係平時練習返嚟⋯

大家可以唔同意我嘅觀點，不過正如之前所講，這就是我的跑道。

今晚一場雨令我找到屬於自己的小確幸。