42.195公里，我征服咗了

8月尾開始膝蓋痛，於是打算係十月尾大阪馬拉松前快些搞好佢，點知一直物理冶療，康復情況不如理想，仲搞到我9月練習得48k, 10月更只得35K，呢D咁少里數講出嚟都嚇死人，所以諗住大阪必會上車（跑唔到就放棄）。
終於到咗今日的賽事，天氣15-18度，有陽光有風，比起前兩天大阪涼快一點。其實一直好怕對波跑長途會痛，因為之前一直未康復的，我頭20k 都可以做到比我預期好的時間，問題在於24K後，對腳開始作抽筋，我企埋路邊拉筋多次，半行半跑，唔可以咁快，到25K真係右邊大脾內側抽, 連神油，鹽丸都出動仍然唔掂，我唯有叫自己行下啦，冇咁抽就慢慢跑啦，終於好辛苦捱到32k食街，可能我太慢啦，唔係咁多野食，有D開始收檔添，不過呢個時候我其實唔肚餓，只係對腳好攰好攰，我希望佢唔好再抽，36K打後簡直係一條好很漫長的路，又覺得個人好凍，慶幸我對波冇痛，仲欠6k啫，快D到終點啦⋯⋯最後感恩無上車！
多謝團隊各位，係我抽筋時，不停係whatsapp支持我，等我分心唔好諗抽筋，仲有幾個一齊跑的團員，你們都好勁，個個都有好成績、又安全返哂來！

# 起跑前排廁所等好耐, 攪到我8:59分上線, 排最後區..出發遲左26分鐘