2023 Nî Tâi-pak Kok-tō Ma-lá-sóng

Pí-sài chìn-chêng ê bo̍k-phiau sī 3:45:00 (5:20/km), bé-á chha 1 hun.

Ài kiám-thó--ê:
- 5:30 AM khí cháu, soah 3:45 AM chiah cheng-sîn khì lim tê, kiat-kó 5 tiám teh hōe-tiûⁿ pàng-sái. jelly 4:30 AM chiah chia̍h, kiat-kó cháu kap 4K khì pàng-jiō. Āu-pái ài khah chá khùn, khah chá khí--lâi lim tê kap chia̍h jelly.
- Cha̍p jōa K ê sî hō͘ pòaⁿ-bé-cho͘ jiok--tio̍h, soah hō͘ in khan--khì, ū kúi-lō K cháu sió-khóa-á kín. M̄-koh che būn-tê bē kóng kài tōa.
- Cháu kap 36K ê sî thiám--ah, bô-hoat-tō͘ koh ûi-chhî 5:20, 36 chì 40K kàng kap 5:20 chì 5:40. Tû-liáu ji̍t-thâu chin iām, siōng chú-iàu sī liān bô kàu. Ta̍k lé-pài 50K oân-ná bô kàu, góa teh siūⁿ hoān-sè ài 60 chì 70K í-siōng chiah ū hoat-tō͘ tòng 42K bē kàng sok.

Chòe liáu bē-bái--ê:
- Chá-tǹg chia̍h 3 teh pháng kap 2 pau jelly, chin tú-hó. Án-ne cháu 42K to̍h kan-na lim ūn-tōng ím-liāu tio̍h ū káu.
- Chêng 10K bô chhiong--chhut--khì, pàng hō͘ khin-sang teh cháu. Phòe sok phòe liáu sǹg kong chin hó. Chit tiûⁿ choân-bé sī góa kàu-taⁿ cháu kap siōng khin-sang ê chi̍t tiûⁿ. Nā 36K bô thiám kah kàng sok tio̍h chin bí-boán--ah.